通關曙光已到 香港未來可期 周日下午茶2021-11-22 07:51:17
隨著香港疫情持續穩定，喺日常生活恢復後，香港各行各業和全港市民最期盼嘅就係同內地通關。特區政府亦視與內地通關為政府工作嘅「頭等大事」。特區政府為推動香港防疫工作與內地對接，多方面收緊防疫措施，補齊防疫漏洞。經過兩次同內地相關部門嘅對接會議和整改後，喺香港各界和市民嘅熱切期盼下，內地防疫專家團20號抵港，開始為期4日嘅實地考察，了解香港嘅抗疫工作和措施。呢個意味著香港疫情防控工作得到咗內地防疫部門嘅肯定，通關曙光已到。現時，通關已然到咗最關鍵嘅階段，特區政府和香港民眾都應該齊心協力，共圓通關夢。
對於好多香港人嚟講，佢哋嘅工作、生活、家庭、親友，都同內地緊密相連。「疫情何時了，通關未有期」，呢個係喺香港疫情之下，生存困難市民嘅心聲；「隔河呼喚愛，人約通關後」，呢個係相隔兩地嘅人期望早日見面嘅催淚畫面；香港中小企就通關正在作全面準備，迎接貿易及旅遊等嘅新機遇，呢個係香港企業對經濟重回穩步向上軌道盼望......種種表明，香港嘅經濟、民生都急需通關。而通關必要嘅條件就係形成通關嘅共識。新冠疫情爆發已近兩年，疫情反反復複。面對疫情，中國內地一直以「健康碼」高效精准嘅穩控疫情。近來，特區政府亦推行使用對接內地標準嘅「通關碼」，但民調顯示僅五成受訪者接受「通關碼」。理由係「通關碼」須以實名和地址登記，部分民眾擔憂「健康碼」會侵犯個人隱私，「通關碼」真嘅會侵犯隱私咩？試想，所有出入境證件邊一個冇實名制？護照、外國入境簽注，邊一個唔係實名，甚至錄入咗指紋？所以，關於侵犯個人隱私，無非係一啲別有用心嘅人為製造恐懼、煽惑市民、阻礙香港與內地通關嘅噱頭而已。所以，廣大市民應理性睇待「通關碼」，識大體、顧大局，接受並積極推廣「通關碼」，為早日通關創造條件。
兩地通關，關係到全香港嘅利益。通關後，香港嘅防疫效果更與整個內地息息相關。因此，就必須喺香港形成抗疫屏障。建立抗疫屏障，必須同時採取藥物和非藥物嘅手段。而接種疫苗無疑係最直接、最高效嘅藥物手段。據悉，香港新冠疫苗接種距離社區疫苗接種中心提供第一劑疫苗嘅最後日期只剩下10日，首劑疫苗接種率仍然未達到七成水準，呢個無疑將拖緩兩地通關嘅步伐。一直以嚟，香港人口稠密，而且長者居多，極易突發風險，如果唔提高接種率，勢必徹底切斷同內地通關嘅路徑。至於國產科興疫苗嘅安全性係肯定嘅，所以，廣大市民大可唔使有後顧之憂。積極接種疫苗，配合特區政府各項防疫工作，儘早築起抗疫屏障，相信通關在望。
兩地通關，唔單止需要中央和特區政府嘅政策支持，更需要我哋廣大市民凝聚共識，朝著一個目標邁進。相信特區政府一定會以「清零」為目標，堅守「外防輸入，內防反彈」嘅防控策略，用最嚴格嘅方式抗疫，牢築複通基礎。廣大市民亦要為防疫工作承擔起應有嘅責任和義務，積極配合特區政府嘅防疫工作，時刻保持抗疫警惕，確保香港和自身嘅安全。如此，兩地通關指日可待，香港未來可期。