绿叶书 新绿叶书2021-06-09 10:52:35

喪家之犬羅冠聰發起連署謀求政治資本

英國外交部彈冠相慶妄圖干涉他國內政

 

舊年年中，香港警方以涉嫌違反《港區國安法》，通緝6 名流亡海外嘅香港人，當中包括立法會前議員羅冠聰等人。然而，這一眾孤魂野鬼竟然賊心不死，今日，流亡英國嘅羅冠聰喺facebook稱，英國政府有需要再次推動制裁特區政府官員嘅議程，令侵害香港市民人權嘅賣港高官受到國際社會嘅譴責以及制衡。至於赴澳洲嘅許智峰亦稱正製作國際制裁名單。真係宛如喪家之犬卻仲係將道義同責任推到自己身上。

「天下攘攘，皆為利往；天下熙熙，皆為利來。」6月12日係七國集團峰會(G7)於英國舉行嘅日子，亦係所謂反對逃犯條例修訂草案佔領行動2周年。羅冠聰選擇這一時間喺英國國會請願網站發起連署，指英國作為東道主，應制裁香港嘅侵害人權者，以重建公眾對民主制度嘅信任。無非係其流亡海外，缺乏後援，人微言輕，想通過擾亂香港嘅政治秩序，喺其英國主子嗰度搏得一啲政治資本罷了。

恬不知恥咁又發起所謂十萬連署，希望喺一個月後即6．12金鐘示威兩周年，以及G7喺英國會面前，獲最少10萬名英國居民支持，呼籲英國運用《全球馬格尼茨基人權問責法》制裁特區政府官員。連署中稱，大部分民主派人士正在受審、入獄或流亡，這些對香港人嘅逼害係公然違反中國於《中英聯合聲明》中對自由同自治嘅保證。可笑至極，每一個香港市民都明白，所謂嘅受審判，入獄嘅皆係梁國雄、戴耀廷等違反國安法，企圖顛覆國家政權嘅反中亂港份子，羅冠聰卻喺對外嘅聲明中混淆是非、顛倒黑白，真係當我哋對眼係瞎嘅定係對耳係聾嘅？

可笑嘅係仲有容許英國公民同英國居民參與。羅冠聰指，只要你係透過 BNO 簽證入境，或早已喺英國定居，就符合參與連署嘅資格。英國規定，若連署人數達一萬人，政府須要回應；而當連署人數達10 萬，議會將考慮就議題辯論。仲聲稱，香港人唔應圍爐取暖，為強化香港議題喺英國嘅支持，香港人要呼籲身邊嘅英國朋友一同支持連署。真係不達目的就不擇手段，資格低到毫無下限，香港係中國嘅香港，香港係愛國者嘅香港，香港係我哋香港人自己嘅香港，香港嘅未來仲輪唔到英國公民為我哋擔心，我哋將永遠唔會承認英國人簽署嘅干涉我哋香港內部事務嘅所謂連署。
    中國有一句俗語叫做：「食飽飯冇嘢做多管閒事」。 面對羅如此行為，英國外交部竟然仲對此做出回應，英國6名前外交大臣去信英國首相詹森，促請佢將香港議題帶入即將於英國舉行嘅七大工業國組織 (G7) 峰會議程。這些外交大臣喺連署信中稱，中國明顯違反《中英聯合聲明》，並要求英國政府要喺國際上發揮領導作用， 信中亦提到歡迎英國政府喺《國安法》實施後，為香港做嘅一啲措施，例如BNO簽證。連署者希望詹森可以利用英國作為今屆G7輪值主席國嘅機會，確保議程回應香港危機。香港嘅事宜係中國內部嘅事務，喺國安法同新選舉制嘅嘅雙管齊下之下，定能維護我哋嘅政治民主，社會有序，其他國家休想妄圖干涉我哋香港自己嘅內政，仲係先顧掂自己本國嘅事情比較好。

保安局稱，國安法列出4類危害國家安全罪行，其中第29條指出，任何人請求外國實施對香港特區或者中華人民共同國進行制裁同採取其他敵對行動，即屬犯罪，該局會追究法律責任，並謂國安法具有域外效力，違反者無論其身分或背景，或身處何地都會追究，對於嗰啲死心不息危害國家安全嘅犯罪分子，特區政府定必依法追究到底。亦奉勸流亡海外嘅羅冠聰、許智峰等一眾喪家之犬，早日回港投案自首，接受法律審判，否則終會眾叛親離，成為孤魂野鬼，落葉無法歸根。