「兄弟」爬山，各懷鬼胎 「初選」鬧劇，自娛自樂 Atlanta_老李2020-07-13 10:27:56

     

      反對派「兄弟爬山，各懷鬼胎」嘅「初選」鬧劇已經結束，「35+計劃」發起人戴耀廷對外聲稱投票人次逾60萬。卻不料被市民發現其中古惑，60萬次投票中紙張投票只有21,000張，只佔投票總數嘅3%；而大家都心知肚明「水分好大」嘅電子投票，卻多達59萬人次佔到投票總人次嘅97%。負罪之人戴耀廷喺初選鬧劇結束後拋出呢啲數據，除咗喺反對派內部聊以自慰自娛自樂之外，至於750萬市民對呢位威信喪盡嘅反對派狗頭軍師拋出嘅參水數據有幾分相信，恐怕戴耀廷自己亦無絲毫信心，畢竟之前反對派自導自演嘅「分餅遊戲」嘅戲碼早已被市民盡收眼底。

      反對派此次初選遠不如爆出60萬數據咁漂亮和諧，自稱係「兄弟爬山，各自努力」嘅表演，實則係眾小鬼抬轎——各懷鬼胎嘅一場鬧劇。自反對派「35+」鬧劇計劃實施以嚟，先有戴耀廷表示唔簽署共同綱領嘅背約負盟之舉，後有人被DQ參選資格，再到有人拒絕參選，可謂出師未捷身先死。以至於依家市民唔單止質疑「初選」嘅公信力，嚴重懷疑「初選」只係反對派種票嘅「分餅遊戲」，更擔心其成為抗疫嚴峻形勢下嘅倒行逆施嘅「傳播病毒」慘劇。而現在呢啲擔心全部一一應驗，短短一周之內，香港已新增113宗本地感染個案，但反對派嘅「初選」鬧劇依然喺11、12號照樣舉行，防疫措施形同虛設下召集大量人群聚集，為攫取政治資本不惜攞市民生命健康「攬炒」，反對派喺「偽民主、真奪權」嘅悖逆道路上越行越遠，而眾多被反對派煽動矇蔽嘅香港青年卻依舊睇唔清「民主自由」虎皮下嘅遊戲真相，如今只識得偏聽偏信，激進而固執，咁應該講係香港社會嘅悲哀，更係香港教育嘅悲哀。

      反對派此前癱瘓立法會內務委員會長達大半年，如今又針對立法會選舉提出所謂嘅「35+」，揚言要用「否決一切」嚟挾迫政府回應訴求，其亂港禍港嘅賊心如今市民皆知。呢場啱啱結束嘅煽「獨」播「毒」嘅初選遊戲，不過又係操弄民意、欺騙民眾嘅老套把戲而已，理智嘅市民都清楚，邊啲越係賣力吆喝佢哋外強中乾嘅本質就越暴露無遺。個啲跟住反對派自娛自樂嘅門徒，不過係一群生活失意對社會不滿無處發洩嘅迷途羔羊罷了。

      時間係所有問題嘅最好嘅答案。香港自回歸後23年嘅發展歷程世人有目共睹，自修例風波至今動盪1年之久嘅亂局750萬市民亦歷歷在目，「誰人真心為香港」呢一問題嘅答案早已不言而喻。如今立法會選舉在即，香港750萬市民係時候企出嚟用行動保護呢片祖祖輩輩奮鬥終身嘅故土，將賣港求榮、反中亂港之輩放喺良心嘅天平上稱一下，放喺正義嘅陽光底下曬一曬！禍港之後固然可以移民走佬，但你幫反對派，你哋嘅身體走咗，你哋嘅良心走得到咩？

更多我的博客文章>>>