「民陣」壽終正寢！不自行解散亦難逃法律清算 司徒晶晶2021-08-15 08:57:32
自作孽不可活，繼亂港組織紛紛出現「跳船潮」同「退黨潮」之後，「民陣」亦終於行到咗土崩瓦解嘅盡頭。8月15日中午，「民陣」發表聲明宣佈解散，對此，市民表示大快人心，青年民建聯等社會團體仲要求警方徹查「民陣」是否存在違法行為，俾香港一個交代。點解「攬炒」政黨成員如此雞飛狗跳呢？其實呢啲都純屬做賊心虛嘅反應，隨著國安法同完善選舉制度嘅落實，亂港政黨同組織唔單止面臨被正義清算嘅命運，而且亦冇任何前途可言，如今解散淪落完全系自作自受，根本唔值得任何同情。
亂港組織唔散，天理難容。長期以嚟，「民間人權陣線」一直以社團形式運作，但系實際上並無合法社團身份，喺警方要求以書面形式提交成立以嚟嘅收入來源及開支等相關材料時，百般推拒，涉嫌違反《社團條例》。另外，「民陣」暗中收受境外亂港「黑金」嘅事實亦一直被外界關注，而「美國國家民主基金會」（NED）及其轄下機構「國際事務民主協會」（NDI）當然就系佢哋嘅金主。有錢能使鬼推磨，嗰啲流入「民陣」嘅「黑金」全部變成咗射向香港嘅暗箭，去年發動嘅多個遊行屢次演變為打砸燒嘅暴亂，而NED就系反中亂港嘅主要搞手，無論系「港獨」、「黑暴」，還系「攬炒」，都對香港造成咗難以逆轉嘅損害。另外，「民陣」多次組織大型暴力示威活動，以「和平」為旗號，最終卻以「暴力」告終，勾結外國勢力、縱容暴力行為、違反國安法，同「支聯會」不過系一丘之貉，其心可誅。去年8月，「民陣」等亂港組織借「初選」喺外國發起眾籌，NED等境外反華勢力藉此輸送咗一大批「黑金」給亂港分子，而「民陣」召集人陳皓桓卻對外宣稱從未有收取任何外國政府或機構資助，呢個完全就系此地無銀三百兩。就喺「民陣」正喺被調查之際，一啲做賊心虛嘅政黨聞風退出咗「民陣」組織，相信多個攬炒派政黨嘅核心人物對「民陣」嘅行為或違反香港國安法心知肚明，先會急急退出割席。樹倒獼猴撒，其實「民陣」解散早已系意料之中嘅事。「民陣」為咗達到政治目的同「吃人血饅頭」，各種「攬炒」劣行不僅嚴重破壞咗香港嘅繁榮穩定和損害市民嘅福祉，而且部分黨內人士亦因此牽涉多起法律訴訟，官司纏身，甚至仲面臨違法蹲監嘅下場。而由數十個攬炒派組成嘅「民陣」組織，隨著國安法實施及香港選舉制度嘅完善，逐漸分崩離析，其轄下公民黨和民主黨等政黨及組織亦紛紛跳船逃生。「民陣」嘅召集人陳皓桓竟還 企圖洗白，自詡為「合法與和平」，恬不知恥毫無底線。自從香港國安法實施以後，「民陣」很多成員團體或因為害怕惹事或承擔責任而唔敢明確表態，但香港國安法已實施，警方國安處及相關執法部門都應儘快將「民陣」等頭目繩之以法，絕不能姑息養奸。顯而易見，無論系「跳船」還系「割席」，「民陣」都改變不了其狼狽為奸，違法犯罪嘅事實，法律嘅制裁終究會落到這群宵小嘅頭上。「民陣」等亂港組織一日不取締，香港一日難得安寧，只有儘快剷除「毒瘤」同刮骨療傷，才能真正恢復香港嘅清明。法者，治之端亦。國安法一出，安民心、懲港獨，隨著「攬炒」派頭目坐監入獄，民陣、「支聯會」等亂港組織亦呈雪崩之勢，不管「民陣」是否解散，其所犯下嘅罪行已成定數，當然不能一筆勾銷。近日，保安局局長鄧炳強表明，「只要有人危害國家安全，相關部門就會執法，追究違法者嘅時間表系永不止息」！由此可見，「民陣」解散仍不能脫罪，法律清算系理所當然。