反對新聞台為錯誤道歉 記協陳朗晟又火上澆油 Vincent2022-03-20 10:22:11

香港疫情嚴重，醫護人員短缺，內地375名醫護到港援助，呢啲對於患者、醫護同全港都係好消息。但16號嘅疫情記者會上，Now新聞記者卻提出「點樣投訴內地援港醫護」嘅問題，此舉觸發眾怒，好多香港市民、媒體喺社交平臺上表示難以置信。前特首梁振英喺Facebook批評有關提問「腦有問題定係心術不正？」，《大公報》亦專門做咗報導，指呢個記者行為有故意煽動內地同香港醫護行業矛盾嘅嫌疑。隔日，Now新聞台為呢個記者嘅提問引起市民關注同不滿道歉，表示「感謝中央同內地嘅無私援助」，呢個風波先至算漸趨止息。無諗到係非曲直如此分明嘅一件事，香港記協又跳出嚟高唱反調，記協主席陳朗昇發表咗諸如「就Now新聞台發出道歉聲明表示遺憾」、「香港已經變咗樣」等言論，意圖挑起社會矛盾。陳朗昇主席，我哋不知你有乜嘢好遺憾，遺憾NOW新聞聽見市民呼聲、發現錯誤而道歉？你眼裡嘅「香港變咗樣」，係變得不再允許「黃絲」「黑記」顛倒黑白咩？

開門見山咁講，香港記協早已淪為反中亂港組織！2019年，香港記協勾結外部勢力為BBC造謠新疆嘅影片頒獎；連續刊發年報抹黑港區政府同國安法「扼殺自由」；盲撐暴徒「記者」，反斥員警「濫用」武力；縱容「童記」身處暴亂現場；《大公報》、《環球時報》記者遭暴徒圍攻，記協對維護同行業權益無所作為，反為暴徒開脫。記協諸多惡行，罄竹難書，佢嘅多屆「業務骨幹」均係「黃絲」，認為「香港已經變咗樣」嘅現任主席陳朗昇極度仇警，當年聯合六名記者賴死員警記者會唔離場，可謂係暴亂現場常客，抹黑國安法老手，唯恐香港不亂！呢次事件，陳朗昇為Now新聞道歉「表示遺憾」，並狡辯「記者只係基於公眾利益提出合理問題」。拜託，唔好揣著明白裝糊塗羅？如果記者真係為「公眾利益」考慮、為市民發聲，我哋自然會理解呢份好意，但你無睇倒大家對「點樣投訴內地醫護」嘅問題罵聲一片？煽動矛盾，製造對立，道歉就係必須！內地醫護拋家舍業支援香港抗疫，我哋市民從未諗過喺別人好心過來排憂解難之際，畀人兜頭潑一盆冷水，「點樣投訴」亦從來唔係我哋關心嘅「公眾利益」，香港記協代表唔倒媒體業界，黃絲黑記更代表唔倒我哋香港市民！

香港亦確實變咗，變得更能睇清反中亂港分子嘅真面目喇，變得更加痛恨禍亂香港嘅惡行喇，疫情之下，我哋亦變得更能感受香港同內地嘅血脈之情。香港第五波疫情以來，中央從物資到人員，從大處到小事，都畀咗香港源源不斷嘅幫助。但即使大家都已經睇到醫療系統處於崩潰狀態嘅現實，內地醫護援港依舊面對各種質疑、阻礙嘅聲音：佢哋有資質嗎？睇得明病歷嗎？懂英文嗎？會用粵語溝通嗎？……提出呢啲疑問嘅人，不管係因為無知而低估咗中央選調醫護人員時嘅謹慎，定係故意歪曲低估咗內地醫護嘅專業水準，都請你哋諗下一個事例：中央瞭解香港市民鍾愛生鮮，短時間內開通多個線路保障生鮮運輸。見微知著啊，喺保障餐桌上都能考慮到細處，派遣醫護人員只會更加周全嚴格，呢啲援港醫護唔單止係業務骨幹，英語、粵語溝通均無障礙，原本佢哋可以喺內地同家人孩子時常團聚，但佢哋視香港為同胞，救同胞于水火，逆行而來義不容辭！而你哋亂港分子，無良媒體，呢種情形之下，竟然仲喺度到處質疑抹黑內地醫護，工作未開展，先準備好點樣畀佢哋孭鍋，我絲毫唔覺得呢啲係為咗「市民利益」，呢種待客之道，只令我深以為恥！

抗疫如打仗，唯有萬眾一心，凝聚一切可以凝聚嘅力量先至會取得勝利。當前香港抗疫工作嘅重點係減少感染、重症同死亡。內地醫護到港援助，迅速喺亞博館展開工作，兩地醫護分工無分你我，各自發揮所長通力合作。醫護人員喺抗疫一線辛苦工作，我哋市民除咗做好自身防護，仲要提高辨識力，勿信仇恨對立言論同謠言。相信香港同內地並肩作戰，香港一定可以早日平安！